si wärdä glockt u wette es schöners läbä, aues gäud vor ganzä wäut chunt nid a mis erkenntnisvrmögä härä, drum figgi uf aus u wirde chrank dr wäutschmärz macht mi zumenä nymphoman glichzitig probieri entartet und entbehrt z läbä i dere wüeschti vo mim dasi blybt mr nüt übrig aus nachm meer z sträbä jede tropfä wo mi durscht nach erkenntnis sött stiuä entpuppt säch aus ä sauzigi tränä so blybi uf dr strecki zur oasä ligä füelä zyt wo mr dür d finger rinnt dr sinn vrschwindet nie,är vrsteckt säch nur we dä mi vrsteisch geisch unger irä sinnfluet ir mitti vo mim dänkä hani mis härz gfungä dr momänt isch so vrgänglech winä stärnschnuppä drum fragi mi isch ds aues wük fr nüt? säg mr wo blybt platz fr üses glück?platz fr üs? we vrzwiflisch u füesch dini hoffnig isch drvo dänk dra d wäut isch ä bühni du hesch nur ä rouä überno dr sinn isch sis raschter z erkennä tief i däm erkennä steckt dini freiheit ig reflektiere nur u beschribä die szene hie woni gseh z rad vor zyt isch äs perpetuum mobile

Part 1 du machsch dini ouge zue wosch vrdrängä was dr fäut jedi ussag vo dir isch so beschränkt wi dini wäut du loufsch wüs vrlangt wird,choufsch wü dä arm bisch gloubsch wü dä angscht hesch u bousch wüs ke platz het dis läbä uf i form vomnä riesigä turm wü dä z höch über di use wosch vrlüürsch dr sinn vor natur es blybt dr ke schnuf du wosch aues säuber schaffä u drum gisch di nid uf was blybt si negativi gfüh und gedankä beschränkt dür illusionä i form vo psychische schrankä jede tanzt ällei i sim bausau konkurränzdänkä isch winä atombombä uf dini geistigi landschaft du bisch gfangänä u wächter i eim was blybt übrig wemä z läbä vrneint? was blybt übrig we dä dis ich iz vrlahsch? gibä dr ke antwort nei ig steuä dr di richtigi frag Part 2 dir wärfet mit steinä im glashuus us denä schärbä entsteit öiä wäutruum was mä het u was mä vorsteut isch nümme wichtig we mä weiss wär mä isch() öffne mi geischt drmit d sunne i mi dringt z wahre glück wo dr suechet hani gfundä i mir dinn mi flow wird zumnä wind öies dänkä zurä cherze d wirtschaft wachst d mönschä wärdä immer ärmer lösä mini ängscht uf schöpfä dr momänt us so aus ob jedi freudetränä wines meer wär und i touche bis a grund was wär dr mönsch ohni vrnunft?ohni sini kunscht? philosophie erschint nume no obsolet söu mä ä rose ni pflücke wü si dorne het? söu mä d ougä zuelah und ertrinkä im schlaf? ig gibe dr ke antwort nei ig steuä dr di richtigi frag Part 3 du seisch du vrsteisch di u z läbä sig so perfekt doch bisch vrlorä wie imnä gspräch mitem sokrates d musig vom läbä vrstummt ide ougä vodä mönschä lisi numä no ä läärä prosatext ig wirdä trurig weni di mönschä erblick idä vo ougä mirä frou lisi z schönschte gedicht du wosch dis potenziau mit stumpfem rede verdrängä nimmsch ä stuh füre u machschs dr bequem vorem fänschter mitm fäudstächer stichsch dr biuder us dr würklechkeit so aus ob di dini ungwüsseheit würklech treit du fixiersch di nur uf ei begäbäheit u nid ufä zämähang wo z ganzä läbä treit du bisch dä wo aus i säch vreint doch aues glich vrneint du bisch z labyrinth u schatzcharte i eim söusch blybe stah odr ä schritt vo dir gha? i gibe dr ke antwort nei ig steuä dr di richtigi frag

1.Part dr morgä befreit säch usm dunklä gwand er steit langsam uf us sim ungergang är wot z läbä atmä sini liebi verschänkä lüftet si chopf ,streckt nä wyt usem fänschter dr waud glitzeret vom tou bländet chli mitr zyt gwöhnt er säch a di vränderig, er steut sech d frag was am ändi blybt u chunt zum schluss dasses kes ändi git wü säch d ewigkeit vrbirgt im entstah u vrgah vodr würklechkeit, u so git er sini textä erhäut dür sich bis d lääri i ihm vrgässä wird us dä schärbä ä neuä kosmos entsteit biser wider vrlore geit im wort wo nä treit solang laht er säch lah schoukle vor wäuä bis ä neuä blitz sini ougä erhäut Hook aui gägäsätz wärdä säch vereinä erkenne isch läbä läbä isch erkennä so maut si geischt äs säubschtportrait u treit sini eigeti wäut im härz 2.Part ä blick uf d uhr einigä stundä si vrbi dr mittag naht wi d sunne m zenit es isch zyt fr si spaziergang m see er nimmt aues uf ufem wäg so aus ober niemeh würd gseh er isch säch bewusst ds blueme im waud wennr wider da steit ä neuä glanz hei sini wahrheit manifestiert säch ider klahrheit vodr natur so glangter zum see u hautet innä er luegt,schmöckt,ghört,füeht,dänkt u weiss hie wirder aues fingä so lahter säch lah leitä vodä klarä sinnä z wasser spieglet d sunnä wo glänzt d wuechä vrdeckä sä ä churzä momänt är macht säch ufe heiwäg u weiss genau morn isch aues wider nöi s chunt a kes änd 3.Part dr abä schlicht sech a winä dieb er wot aues nä so ds d wahrheit ni blybt drum hockter a tisch u textet chli zum cherzeliecht was nä bewegt u tribt vrpackt er i wörter i metaphysischä spekulationä vrlahter si körper jedes gfüh vom tag isch ä teil vom dänkä so wirder sini ungwüsseheit u z leid beeändä sini inneri rueh tribt nä drzue är schribt u schribt doch sini tintä geit us drum ritzter id muur si finger wird bluetig er het fasch aus notiert drum giter nid uf dunkuheit leit säch winä mantu um ihn biuder vom vrgangenä tag wandle i ihm är spannt sis himmuszäut uf u leit säch schlafä i däm riesigä wäutruum

bitte lah mi frei o wes nur fr ei momänt isch ä chlinä liechtblick es isch egau ober mi bländet ängschtläch frischtis mis dasi kämpfä vrgäbläch i däm wahnsinn wo säch darsteut aus äs produkt vorä dystopie füelä mi so schwach wot ä schritt gha doch ha scho müeh drbi mini chnochä stö chrüz u quer ke winter ke herbscht ke summer u ke früelig meh gift u medizin dringä i mi körper tag u nacht wärdä bestimmt vo minä götter si lege fescht was wichtig isch zrügg zur natur tönt winä witz fr mi zuenä und stärbä ds isch mis kunststück mit jedem biss machä si säch mitschudig a mim unglück nach s paar nä wuchä bini äuä eh tot mis ganzä lidä kompensierä si mit irem riesä grossä ego i wot so ni läbä aus wo übrig blybt vo mir si vrdouti räschtä u grippävirä ironischerwiis bringt sä irä drang zum frässä um ds isch dr grund wrum ig hoffe ds eines tages aui tod si u muetter natur fridläch cha froh si i weiss nid wasi würd machä we di ohnmacht ni wär chloustrophobie ghört hie zur normalität isch ds aus reau odr isch di wäut nur erfundä mi horizont beschränkt säch uf häu oder dunku isch ds iri absicht?aues würkt so plastisch i weiss nid weni söu schlafe oder wach si uf sicher isch ds si mi irgendeinisch ässä ei momänt befridigung u nächär bini scho vrgässä si zieh mini huut ab aus wär si es pflaster si distanzierä säch aui wäg vo däm ganzä woni einisch bi gsi und so vrlüürä si dr draht zudr realität ig frag mi ob mr mau feindä si gsi? odr bini scho sit immr nur es mittu zum zwäck? baud ischs vrbi u mini erlösig chunt i mirä wäut isch chrank z neuä gsung es isch dunku ig gseh keni stärnä dr sinn vo mim läbä isch ires ego z ernährä

gibä mini värsä si wärdä di berüerä schribä wasi dänkä rappä wasi füelä di blybendä schädä vom ziulosä sträbä nach dinä vrgäbläch gsuechtä glücksgfüh wärdä di nüm stüürä mini gedanke wärde vor wäue treit d wörter wi sand am meer denn es blybt so ds glück ni wot gfundä wärdä wüs i jedem mönsch scho vorhande isch es zeigt säch i däm momänt woni di zilä rappe, i däm momänt we du di zilä ghörsch du i mi kosmos inetouchsch u füesch ds o du ä teil bisch u zu derä zilä ghörsch jede ougäblick woni mis dasi füelä wird zurä wahrä blüetä i weiss i bi fr dä ei momänt befreit vodäm leid womr teile im geischt und si flüchtä säch inä bedingti form vo glück doch ihres läbä isch eh scho tot z uswändig lehre vo faktä idr schuh erinneret mi starch ane gmässigti religion chum mit mire ufene reis ohni angscht ohni schrankä ideologie wei di spaute drum vrgiss nie: dini zämähäng biude z grossä ganzä du gsehsch wie entitätä zumenä atemberoubendä gmäud vrschmeuzä nimm dini brüeä ab u du gspürsch wie d farbe vrloufä u d schmärzä heilä si wärfä irä geischt adr gwohnheit zum frass vor u drum chöi si minä textä nid fougä ig hänkä mi adr dummheit vodä mönschä uf und lah mini seelä lah boumlä si vrlaht mis bewusstsi u flügt chrüz u quer dür ä metaebeni i wirde fr tod ghaute wüi mi nid apasse doch i denä textä läbeni vrsinkä tief irä sinnfluet si rede über wachstum,wirtschaft,erfoug,gäud,macht,politik doch ig blybä fr mi und losä lieber m wind zuä dir schlafet we dr wach sit, stöht we dr sitzet,loufet we dr stöh, chümet a we dr göt hasset we dr liebet redet we dr dänket, stärbet we dr läbet u drum wärdet dr ke momänt chönne ifah i sire einzigartigkeit jede vo üs mues läbä u stärbä drum teile mr dis leid u egau wie dä bisch jede isch ä teil mis ganzä ich löst säch uf u wird eis mitem unändlächä kosmos d einsamkeit wo vili i wahnsin tribt würd i däm läbä nid vorcho wü ig vrstah ds jedi begäbeheit bedingt isch dürä grund u wü di ganzi wäut säch stets i form vorä wächsuwürkig wytr entwicklet finge mr ke punkt jedes komma laht üs lah inne hautä u mir frage was ize wou no chunt wü dr sinn nümm nur im überläbä steckt bringe mr üs um vrsinkä im iz nimmä mi stift u vrbringä stundä i däm takt jedes wort isch ä erhäuendä stärn idr dunkuheit vor nacht u di geischt erwacht mir flügä zämä hand in hand am säch langsam rot erlüchtende horizont entgägä ersch dini ehrlechi kritik wird di strophä i däm monolog beläbä i weiss nur eis isch sicher u zwar ds nüt uf sicher isch zämä vrschwinde mr idr vorstellig vodr ewigkeit

Part 1 (Roumee) es isch ä schwarzä u nä chüelä tag 1889 schnufä, schreiä, wache uf u füeh mi schwach prägt vo däm zytgeischt biudet säch mi charakter us läbe ohni muet sträbä doch sträbä nach dr rueh drum schribi di gedanke uf und ig tribä idä wäuä vo mim innerä lidä schribä zilä über z läbä doch ig finge ke fridä jede tag vo afang a schaffe u schufte, bhaute mi chopf ni dobe ig blybe nur ligä si spilä gott u wei ad spitzä vo üserä ärdä fortschritt heisst säch wyter vo sich z entfärnä möchtisch nid ändläch hei() rebellierä gägä aui gedankegäng wo plötzlech es ändi i jederä wand hetz ä vrsteckti tür suech sä we wosch odr machs dr bequem jede huuch vo mire genialität vrwandlet dr funke im chopf zumnä flammemeer gedankä ohni schrankä si mini waffä drum vrneini dr gott mir bouä mönschözoos doch jede isch gfangä i sim eigete chopf vrfoug dini tröim süsch landisch im system chum ig zahlä dr nonä rundi uf mim gedankekarusell Hook 2x jede schlag vo mim härz isch ä tag wo vrgeit jedi nacht wo mi chläpft isch ä schlag wo befreit ig wandlä im läärä ,warte uf z läbä u strandä im geischt wo aues vrneint Part 2 (Iroas) iz isch 1893 wachä uf u füehlä nüm stimm streikt, atem stockt mi packä und berüerä lüt was isch los? bini bereits izä tot was heist äch di botschaft gheiä in ohnmacht findä mi imenä luftschloss wider loufä dür d gedankä gäng ke pousä und i atmä schwär i tribä mis innerä grundlos witer findä zu mim wändepunkt i blinzlä und bi ändläch duss gseh da mönschä lachä und si trinkä us mim läbensfluss si starre mi a doch i blickä da numä i lääri ougä mönschä i azüg krawatte wo lache u schaffä doch irem härz ni fougä, denä chani ächt ni trouä mä zwingt sä ds schaffe mit roher gwaut si merkes ni doch inä wird mitem monetsghaut dr tod bezaut ds isch ä troum verdammt är spieglet doch eifach di realität und weni probiere hie öpis dra z ändrä de nämes di anderä eifach nid ärnst i wartä uf veränderig mi läbensfluss wird zum prasselndä rägä ds ganzä läbä besteit nur us warte warte ufs läbä warte ufs stärbe

si loufe uf dr strass dr jack dr nick u dr ted ires wahnsinnigä lächlä schiint so perfekt doch iri gfüh si ohni rueh dr näbu schlückt sä u spöit sä birä chrüzig wider us ig gseh wi si iri waffe belächlä mi hei si längschtens im schatte vergässä dr jack het ä pumpgun dr nick het es gwehr dr ted isch äs bizeli schreg me seit sini zungä sig gsägnet vom satan ghört mä sini stimm vrändet mä langsam dr nick fragt was de hüt ufem plan steit dr jack seit üsi autäglechi arbeit si mache säch az wärk jede vo ihnä winä wandelndä schandfläck si luege sech a u wärfä säch blickä zue begleitet vomenä dämonischä grinsä lue det isch üses erschtä ziu dr nick nickt u anwortet rest in peace er schiesst amene bänker i chopf aues wider ruhig bis ufä rägä wo tropft si ernährä säch vo mönschlächä seelä zwang isch devisä we z läbä ni wot so schrittä si vorah blybe nümme stah bis dr ted gier schmöckt vorem nä himmlischä palast musig dringt usem bausau i däm schiinheiligä ruum kompensierä si dr autag es si au da er cha sä schmöckä polizisischtä,richter,awäut, psychologä,ärzt,politiker, bürokratä,zahnräder, si gö nid ällei i dä kampf dr tüfu maut fr si sis feindbiud ad wand u si wüssä si si richtig si füelä ke zwiespaut si gö gradus dürä igang im empfang steit ä mönsch namens mario ( Thomas Mann - "Mario und der Zauberer" sehr z empfähle zum läse :) ahniglos bewachter z partyvouk er luegt se a u biegt säch git vor lachä u seit hie chümet dr leider nid ine ohni maskä nüt hautet se uf iri feindä z vrnichtä so laht dr ted zungä winä peitschä lah zischä dr wiuä füegt säch irä betrunkänä ohnmacht si vrsteckä d waffe unger sim wortgwand u vrsinkä im lärm vouer maskä vrzieh iri gsichter zurä hässlächä fratzä so wird ires antlitz zum abbiud vom vouk erlöschendo cherzä zügä drvo wi sä dr wahnsinn vrfougt jack u nick flüsterä mir fougä dr blind dr ted faht afah singä u z schouspiu beginnt uf einisch dringt ä wyt entfärnti stimm i sau iz isch fertig mit däm los nähmet öies medikament es zieht sä zrügg id realität irgendwie füelä si säch nid reau hingerem vorhang hani mitem nä läärä blick zuegluegt dr bewis ds äs erkennends läbä ni guet tuet uf z nächstä spiu chönnti wider druf hoffä di verdammte baschtardä hei mi wider usgschlossä doch hüt setzi däm wahnsinn es ändi u mischänä dr tod iz medikamänt dri bedürfnislos u glücklech legi mi schliessläch schlafä i derä gähnendä lääri

es isch ä wunderschönä tag wo sini spurä hingerlaht mir chümä hei ligä is bett u luege üs nur a und ig touchä tief i di blick wo mr seit gniess jedi sekundä wü dä momänt fr immer vrgeit ig gloube ni dra i bi doch wach im troum ig tanzä eifach wyter o we dr takt nümm louft erwartigä zerschäuä adr realität üsi tröim tapeziere üsi gmeinsami wäut mängisch fragi mi ergit ds aues sinn? doch wasi weiss isch zämä ertrinkä isch nur haub so schlimm isch äch gli wider ä strand in sicht ä frou wo säch mr öffnet u tief i mini gedankä sinkt öper wo säch idä tiefschtä winklä vo mim kosmos vrlüürt iz bini ällei u touche iz nüt umgä vodr stiui u dr ungwüsseheit was blybt isch zyt wo mr us dä finger entgleitet Hook ig ha dänkt du lahsch mi niemaus los nur ä neuä troum chamer di truur nä vilech isch d liebi nur ä illusion u z gfüh i mim lied bhautet sä ufrächt ig ha dänkt du lahsch mi niemaus los im erschtä momänt seisch dr ds cha doch ni wahr si vilech isch d liebi nur ä illusion wenn ja woti lieber tröimä aus wach si Part 2 im tau blybt dr blick uf d spitzä vodä bärgä i wot zu mim ursprung u griffä nach dä stärnä schwümm i mim wortfluss ds isch dr flow zu dim glück ig sträbä nach meh solang dr horizont mi entzückt u drum läbi mini textä so schnäu wie di d liebi laht lah tröimä so schnäu cha si di weckä was blybt si no biuder im chopf i wot ds u ds u ds usdrückä doch ig fingä kes wort es isch dr wiuä zum läbä wo i mim innerä pocht wemä richtig härälost laht di d stiui nüm los und iri melodie dringt i dis ohr si seit mr aus wird guet lueg doch nüm zrügg und ig gspürä ä huuch vo melancholie we mini musä mi küsst aubä bisch ganz ungä u mä gsehts dr a ä nöi liebi isch geng so schön wi z erschte mau schrittä iz nüt holä mi geng widr i wahri liebi isch ä hoffniglosi entelechie mi text isch vrbi we mis härz nümme schlaht jedes mau weni wider schribe faht z läbä nöi a

Ig mache mis fänschter uf, luege id ewigkeit D liebi zum läbä wo mini seele treit Anä anderä ort au mini wort blybe läär solang sä nid mit sinn füusch Wes dunku isch längt ä schimmer vom mond U du wosch immer meh () bis di d sunne verschlingt U du geisch zrügg zur natur, was blybt isch no dr instinkt Wo dr seit ds hie irgendöpis ni stimmt I mim läbä wird immer ä sinn si solang dr wind pfiift u sini melodie vortreit blickä ir ä einsame nacht über decher vor stadt u frage mi was idä mönsche vorgeit chum mir öffnä üs u träffä üs im ändlosä nüt umgä vo nüt angerem aus üs und ersch denn () gseh mr üs nackt gimr aus wo du hesch u es git aus wo du wetsch mir setze gränzä wos eigentlech gar keni het weme d ouge ufmacht chas nur no vorwärts gha u mä ghört im momänt dr puus vom kosmos schlah ig weiss läbä isch kompliziert, du muesch dr sehr viu aeignä we gsehsch ds aues eis isch chasch nümme usem takt gheiä u du wosch aues erkennä, aues füelä und aues gseh was übrig blybt isch dr drang nach meh vrgiss dr wäg du muesch numä si es git nüt z finge du muesch numä si jede läbäwäsä treit ä funkä i sich we ds erkennt hesch bisch frei u niemeh ällei mir dänkä bis z härz erfriert u lege ä maskä wü mr angscht hei usezfindä wär mr si drum blybt d säubschfindig ä flucht vor sich frei z si bedütet dr komplett vrluscht vo dir d wäut ä unändlechi vrschachtelig ohni afang und ändi unändläch gross und unändlech chli flügä dür di nebulas u bi so glücklech drüber dsi cha dänkä u lebändig si

Gspürä i mir drin wie aus vrgeit Wi dunkuheit umegeit u mi vrstand zerteilt Bini wach oder tröimi? Ig weisses nid Ä stiui übermannt mi geischt Und ig gseh numä di wänd, troschtlos, irritiert, monoton, isoliert, vrschwitzt, vrgiftet, vrzwiflet, vrlorä, gfesslet ade bei u gfesslet ade häng mini seele wo no kämpft u ni ufgit dür z fänschter zur wäut bietet säch ä kläglechä usblick trochnigi fäuder grodeti wäuder dr ablick macht mi chrank im chopf und ig finge ke schlaf i derä windige nacht lige ufem herte bode doch vrsinkä im matsch gheiä tief ine fieberhafte zuestand i derä vision ligi flach im urwaud mini gedankä chöi mi nid weckä, nid rettä d einsamkeit frisst mi vo inne uf wie insektä weli chräft stüürä dä wahnsinn vrlüürä mis füelä i däm mystischä dasi wi usem nüt blinzli schwach ä sunnestrau erlüchtet mis antlitz u git mr chraft ig bi wider zrügg i mirä zäuä schreiä: bitte chümet mr cho häufä! D wäng losä mr zue, dä värsä u dä textä Begriffä dsi mi nur säuber cha rettä Frage mi wasi de am ändi ha? Weni so wyterläbä wi bishär, aues wär numä so läär Lege d brüeä vodr wahrnähmig ab Z liecht wo düre fliesst brönnt mini fesslä wäg Stah z erschte mau ufrächt Und ig gha z erschte mau usä Usä us däm dunklä ruum Ig weiss es wird ni liecht si Schützä mini ougä u bewege mi zur liechtig D nacht isch aut dr tag isch no jung Luege gägä horizont, betrachtä ä turm Mini inneri stimm cha mini hoffnig beläbä U si lockt mi det härä () Vorem igangstor steit ä wächter u redt Ig heig hie nüt vrlorä u söu zrügg i mini zäuä Vrsteckt hinger ihm isch äs brätt adr wang Itritt numä fr vrückti (Hermann Hesse - "Der Steppenwolf" sehr empfählenswärt zum läsä!!!) er nimmt mi gring mit sirä mächtigä hang i si griff bevori ig inecha heig er es rätsu fr mi Was isch hert wienä stei u cha zerbrächä wines glashuus? D antwort bi ig Z tor geit uf und ig blickä iz nüt Es isch zt fr schrittä iz nüt Hanis gschafft?bini a mim ziu? Dr wäg faht ersch a u füert mi ine biudergalerie Ig gseh mönsche wo säch strittä, mönschä wo nur lidä Mönsche vouer säubschtzwiflä Mönsche wo ni zfride si, mönsche wo vrbitteret si Mönsche wo ällei si , mönsche wo ni frei si Z hirni spiut dr öpis vor u macht si job perfekt Stouz isch ä spinnä, es si aui gfange i däm netz Luege vorwärts u gseh z ändi vom korridor Wird uf einisch zumenä bländendä horizont Ig begriffä ändläch was hie abgeit Nimmä d stägä zudr klarheit Mis dasi wird scho häuer Obe ufem turm stahni vor mir säuber Ig nimme mr es schwärt, stichä mr iz härz Erstuunlecherwiis empfindi gar ke schmärz Füelä mi glücklech öffnä mini ougä z erschte mau würklech uf ds gfüh hani nächte u tagelang gwartet aus um mi ume blüeht i strahlende farbä schwigä u gniessä dr erscht momänt i mirä neuä wäut

Mini kunscht du chasch sä füehlä so wie d sunnä Jedes mau wedä i minä zilä touchsch merksch dini gfüh si ni vrschwundä U du touchsch wider uf us derä ungwüsseheit Nimmsch ä töifä schnuf u füesch di würklech u gheilt Vrsink i dinä sinnä u nimm aues uf bis Dä einisch zurä wuechä wirsch u dini wäut erkennsch Du tribsch iz nüt ä chäuti breitet säch us Dr rägä ergiesst säch über di u du füesch di frei Aui stige uf u träffe säch am horizont U du luegsch zrügg u gsehsch es chlises ching wo dr fougt Es füeht säch ächt u glückläch es cha dr fr immer vrtrouä U Du fingsch i dim innerä wider zumenä chindleche gloubä Zrügg und au dis glück vrsteckt säch idä winklä vodr fantasie Und us däm nüt erschaffsch dis paradies Du füesch es du hesch aui zyt d stiu momänt im iz isch aus wo blybt Du wosch nä besitzä doch z läbä bringt di um du suechsch vrgäblech nachem Grund Gägäsatz gäbä säch iri existänzberechtigung So entsteit d wäut Was dim geischt fäut fingsch i dim exiu ganz ällei mit dirä gägäwart u dirä vrgangeheit Z läbä ä wunderschöni frou u du hesch di tief i si vrliebt Du fingsch zrügg (zrügg) zu dinä chindleche gfüh Füesch di frei (frei) uf derä insle im nüt